يابنت تغطي هذاك (سعودي ) .. و الاجنبي ماهو (رجل ) ..!!

موضوع عجبني وحبيت انقله لكم ....

تغطي يابنت هذا سعودي !!

طيب السعودي حرام والأجنبي حلال !!!

الموضوع صريح ويتحدث عن واقع نعيشه

وهنا بانقل لكم بعض المشــــاهد

المشهد الأول

...فتاه تتحدث مع أحد العمال الأجانب وتأخذ راحتها معه بالكلام والنقاش ويدخل سعودي تغطي

كأنها ما كانت تكلم رجال مثله مثل اللي دخل وتغطي يا بنت سعودي.

المشهد الثاني ..

إمرأه تخرج للسواق أو العامل في المنزل بملابس عاديه لا عبايه ولا اي ستر بحجه أنه أجنبي

عادي تكلمه بدون ما تتغطى عنـه أو أي شي يكـون ساتر بينـهم ولو دق الباب سعودي قالت

تغطــي يا بنت سعودي.

المشهد الثالث ..

بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل وتأخذ

منه الطلب مع الشكر والتقدير ولو كان سعودي احد الاطفال راح يطلع له .. وتغطي يا بنت

سعودي.

المشهد الرابع ..

مجموعه من الفتيات في أحد المجمعات أو في أي مكان يريدون ان يسألوا عن شي صادفوا

شخص لابس جينز وقميص لو سمحت يرد سمي اوووه آآآآسفين وتغطي يا بنت سعودي ..

ياويلي طلع سعودي ..

المشهد الخامس ..

وقفـو الليموزيـن بيروحون للسوق وهات ياكلام واخبار والأجنبي مستمع ومنصت حرفاً حرفاً

وطبعا صارت جميع اسرار العوائل لديه مع الأسف .. ولو وقفو ليموزين وطلع سعودي

هذي اخرتها نركب مع سـعودي مانعرف نتكلـم .. لا لا شكراً اخوي مانبي نروح .. نركب مع

سعودي ايه هيــن !!
وغيرها من المشاهد لاتــعد ولاتحصــى ..

طبعا كل المشاهد تحصل عند بعض الأب والإخوان وشي عادي لو شاف بنته أو أخته تكلم

أجنبي عكس لو شافها تكلم سعودي .... مع الاسف يعتبره من مظاهر التحضر والتقدم ..

ان يكون الأجنبي داخل المنزل بل استغنوا عن الطباخه بطباخ والسائق يصل لأخر المنزل ..

وليس جميعهم لكن !!!!!

الا من رحم ربي والقليل جدا جدا ..

قد يكون هذا التصرف عن غباء أو جهل إلخ .. يعني من الممكن أن تكون هذه الفتاه على

خلق ومحترمه لكن مالقت من يوجهها إن معامله الأجنبي لازم تكون زي معامله السعودي
ومعامله أي غريب ..!!

( هندي + فلبيني + سوري + لبناني+ مصري)عادي مولازم تغطي هذا أجنبي

سعودي ... يؤ يؤ يؤ يؤ مصيبه ياكبرهــا عند الله .. لايفضحنـا بكـره بس !!
وكأن المصائـب لاتخـرج غير من السـعودي ..!!؟!

اتمنى اعرف رايكـــم بصــراحه

فكر غريب وغير منطقي على الإطلاق..

المسألة مسألة قناعات ومبــادئ ينشأ عليها المرء طوال حياته..

الرجل مهما كان ..يظلّ رجلاً..

مهمــا اختلفت الثقافات والهويّات ..

من المفترض أن تكون النظرة مغايرة.. فكيف نأمن على أنفسنا بوجود رجل غريب !!

من جد هذا الي يحصل النساء يستعبطون شو الفرق كلهم رجال الله يهديهم

موضوع مهم ,, ياريم شكرا لطرحك ,,
غسل تلك العقول الساذجة يستحق نقاش جاد معهم ,
صعب إقناع من لم يقتنع لحد الآن - أن الكون ذكر وأنثى لا ثالث بينهما-
ومهما اختلق الزمن من أجناس تخطت الفطرة - يظل القرآن ينادي بالذكر والأنثى , ومن كل شئ زوجين , فقط
والحكم الرباني واحـــــــــــــــــــد لكل ذكر,
وواحــــــــــــــــــــــــــد لكل أنثى
-
-
-
لا أدري أي تصنيف لهذا الأجنبي المسكين - قد أدرجوه تحته!!!
ولا أدري عن أي تصنيف وهبوه للسعودي وحده من بين الخلائـــق؟!!
-------------
الأمر يتفاقم في مجتمعنا نحن -من/
يابنت تغطي هذاك (سعودي) والأجنبي ماهو (رجل )
إلى/
يابنت لا تتغطي هذاك سعودي وإلا أجنبي !!

عن جد موضوع مره مهم فعلاًيستحق النقاش ولا بد من طرح حلول لها لان الكلام ماينفع

انا لا استوعب ذلك كيف ماهو رجل انا فعلاًمحيرني هذا....................

يأختي الله خلق الانسان سواء ذكر او انثى كل واحد له نفس الغريزه لا فرق بين سعودي
او اجنبي ولا فرق بين سعوديه او اجنبيه الا بالتقوى فينبغي لنا مراقبه اعمالنا وافعالنا التي يمكن
ان توقعنا في غضب الله .......الامر مايستحق ان يوقعنا في غضب الله تمسكي بحجابك اختاه الامر عظيم
انتِ ما تدرين ما في قلب الاجنبي عشان تستهينين به لدرجة انك تتخلين عن حجابك الآسئلت نفسك
في يوماً من الايام ما لذي بداخل قلبه او الذي يفكر فيه وانتي كاشفه امامه الآتتوقعين انك تجنين من ذلك
اثم وانتِ غافله اختي انتبهي انتبهي انتبهي انتبهي

فالامر واحد في جميع الحالات والاثم واحد سواء في السعودي او الاجنبي

ريمو شكرا الموضوع كبير كبير ويحتاج الى سلب ذالك الفكر من اصحابه او تباعه
اللهم اني استغفرك ان اشرك بك وانا اعلم واستغفرك من الذنب الذي لا اعلم

من جد موضوع يحير طيب هذا رجال وهذاك رجال ولا هذا له رب وهذاك مالو رب
خخخخخخخخخخخخخخخخخخخخخخ
ضحكت من قلبي ياريمي على هذا الموضوع من جد افتكرت موقف حصل لأخوي وهو يقدم على الشركة
رااااح قدم على طول قبلو وقبل ما يطلع من الغرفه كانو يتصفحو C.V تبعو وفجأه ناداه المسئول يسألو إنت سعودي اخوي قال أجل
قال خلاص ياولدي روح ما نشغل سعودين مكتفين نبغى ناااااااااااااااااااااس جادين Mad

الجمله تزعل
صح ....؟ ولكن نجي نشوف الواقع للأسف نلاقي إنو إحنا من زرع هذه الصوره .....

اشكركم عزيزاتي على تفاعلكم الجاد مع الموووضوع ...

ووبالنسبه لي .. بصراحه انا اامن للرجل السعودي اكثر من الاجنبي ...

لانه مهمااااا كان ولد بلدي عنده غيره ولو بمقدار بسيط على بنت بلده بغض النظر عن مدى قوووه وازعه الديني ...

عسى ربي يحمينا ويحمي يناتنا من كل شر ...

موضوع هادف مشكورة يا ريوووومه كلام جميل جدا يا ليت الناس تستفيد بس

مراحب ريم...
من جد مشكورة على الموضوع الهادف...
وياليت يسمعونك بناتنا...
حتى في الباصات والله العظيم عندنا بنات في الكلية إذا كان السواق أجنبي تشوفينهن مآخذات راحتهن بالكلام والضحك والسواليف اللي مالها داعي...
وإذا جت وحده وقالت لهن قصروا الصوت قالن: يووووووووووووووف! أنت معقدة
هذا موب سعودي...
واذا كان السواق سعودي ماتسمعين صوتهن ساكتات ليش؟
يقولن يفهم على كلامنا...
مسكينات الأجنبي يفهم أكثر مني ومنهن...
اناتوني أعرف أن الرجال أنواع...
ماراح أقول الا الله يهدي بناتنا ويحميهن من كل شر...

:

في هذا الزمان ... ليس لأحد أمان

يبقى الرجل رجل .. والأنثى أنثى

والقرآن منهج لايضل اتباعه

بوركت ريم على الطرح الجاد
وبوركت تلك العقول النيرة

::

بالفعل يابنت تغطي هذاك ............... والاجنبي ما هو ............... !!!!!؟؟؟؟؟ مليوون علاامة تعجب واستفهاام

اجد ازدوااجية بالفكر كيف أحلل لنفسي بأن آخذ رااحتي بوجود الرجل ( الاجنبي ) وألتزم بأدبي وصمتي بوجود الرجل ( السعوودي) .. الرجل رجل بأي جنسية كاانت اتوقع لابد أن نرتقي شوية بتفكيرنا .. معلييش هذي فكره غير منطقية بأن أحلل لأشخااص وأحرم على أشخااص هنا لازم نوقف مع هالفكرة وغيرها من الأفكار الغير منطقية لكنها منتشرة ( الله المستعااااااااااان) بشكل غير معقول بمجتمعنا وللاسف تجدونها تنتقل الفكرة معاهم لخارج المملكة ألتزم بحجابي داخل بلدي ( مملكتي ) وأترك الحجاب ( والعيااذ بالله ) عند خروجي من بلدي ( مملكتي ) والمثير للسخرية والذي يدفعني للتساؤل أنه لو مر رجل سعودي بها وهي بالخارج بدولة أجنبية مثلا تجدها مرتبكة وترغب بأن تستر عنه !!!!!؟؟؟؟؟؟؟ تفكير مثييييييير للدهشة والاستغراااب من قبلي لكن مانقوول الا الله يهدي بناتنا وشباابنا للصراط المستقييييم وتهديني ياارب وتصلح من شأني ( آآآآآآآآآآآآآآآآمين )

الرجل ....رجل....

فقط فكروا بعمق........وسينطق تفكيركم....بأن الرجل....رجل....

» ماهو اكبر درس علمته لك الحياة
» مساابقة ماهو اسم الفيلم.. على منتدياات المبدعاات
» ماهو شعوركـ عندما يساء الظن بـكـ ..؟