تشيز كيك اوريو
مره لذيذ وسهل وسريع واحلى شيء فيه ان نكهته كريميه وسكره معقول
المقادير
كرتون أوريو 6حبات مطحونه للقاعده او اكثر حسب رغبتك
3كاسات ::كريمة خفق ((وانأ أفضل المراعي الطازجة ))
2 دريم ويب
2 جبنه فيلادلفيا (( أنا هنا جربت بوك برضو ممتازة))
2ملعقة اكل قشطه
نص كأس سكر مطحون
الطريقه
يطحن الاوريو باالمولينكس
نضع 2 ملعقة طعام قشطه على البسكويت
ونقوم بفركه ونرصه بصينيه التشيز كيك
هاذي الخطوة مره مهمه
نضرب الكريمة بالخلاط حتى تكون ثقيلة ممكن تجلسين ربع ساعة تخلطين لين تعطيك نتيجة مرضيه يعني تصير ثقيله
بعدها نضيف الجبنة +الدريم ويب+ السكر
ونخلطهم لحد ما يتجانسوا
بعدين نضيفهم فوق الاوريو ونوزع بشويش
ونكسر فوقه اوريو
ونسقيه شوي هرشي سائل
ونحطه بالفريزر ساعتين
وبعدها نطلعها بالثلاجة لوقت التقديم
وكل ما طول بالثلاجة يكون أحسن
فيه اسهل من كذا ؟
ممكن تستخدمين الخلطه البيضاء لجميع انواع التشيز كيك التوت الفراوله
وتحطين بدل بسكوت الاريو ديجاستف..
ومره سويته بصينيه مربعه
وبالعـــاااافيه على قلووووبكم
