للماهرات في الخياطة فقط

السلام عليكم و رحمة الله و بركاته ,,

اخواتي ,, هذا اول موضوع ليا في المنتدى , و حبيت انه يكون مفيد ,,
عرفت من أحدى الصديقات ان أكاديمية نفيسة شمس عندنا في جدة انه بيستقبلوا طلبات التوظيف في خط إنتاج السجاد عندهم , و الفكرة مرة حلوة , لو التحقتي بخط الإنتاج تقدري تشتغلي من بيتك , تنتجي السجادة أو حقيبتها في البيت و تجي تسلمي الطلبيه و تآخذي راتبك 3000ريال , طبعا الخامات من عندهم و حتى تسويق الطلبيات هم يتكفلوا بها ,,

طبعا لهم شروط لان التوظيف في دا الخط للسعوديات اللي عندهم خبرة أو شهادة في الخياطة و يجتازي اخبتارهم...
فكرة التوظيف دي مرة ساعدت سيدات كثير و ترى في ناس يكونوا يستحقوا فرصة زي دي و محتاجينها بس ما يدروا ..

طبعا هما عندهم دورات تانية زي المكياج و التصوير و السكرتارية و حتى دورة انتاج السجاد بس انا اهتميت اكثر بفكرة خط الإنتاج لانها فعلا باب رزق ,,
تقدروا تتواصلوا معاهم اراقامهم تلاقوها في صفحة على الفيسبوك او تويتر , او جيبوا رقمهم من الدليل ,,
و لا تنسونا من دعواتكم لو احد اتوظف

ماشاء الله فكرة حلووة والله يووفقكم